तिबेटमध्ये भूकंप, १२६ ठार,रिश्टर स्केलवर ६.८ तीव्रता; १८८ जण जखमी
नेपाळ मध्येही काही ठिकाणी भूकंपाचे धक्के.
तिबेटमध्ये मंगळवारी सकाळी आलेल्या शक्तिशाली भूकंपामध्ये किमान १२६ जण ठार झाले आणि १८८ जण जखमी झाले.
रिश्टर स्केलवर या भूकंपाची तीव्रता ६.८ इतकी नोंदली गेली.तिबेटमध्ये भूकंप, १२६ ठार,रिश्टर स्केलवर ६.८ तीव्रता; १८८ जण जखमी
वृत्तवेग न्यूज नेटवर्क,बीजिंग
तिबेटमध्ये मंगळवारी सकाळी आलेल्या शक्तिशाली भूकंपामध्ये किमान १२६ जण ठार झाले. आणि १८८ जण जखमी झाले. रिश्टर स्केलवर या भूकंपाची तीव्रता ६.८ इतकी नोंदली गेली. मात्र, ‘यूएस जिऑलॉजिकल सर्व्हिस’ने भूकंपाची तीव्रता ७.१ असल्याचे नोंदवले. या भूकंपामध्ये तिबेटमध्ये किमान एक हजार घरे पडल्याची माहिती अधिकाऱ्यांनी दिली.भूकंपाचे धक्के नेपाळमध्येही बसले. तेथील अनेक इमारती हादरल्या, तसेच शेकडो घरे पडली. नागरिक जीव वाचवण्यासाठी बाहेर रस्त्यावर पळाले. त्यानंतरही ढिगाऱ्याखाली अनेक जण अडकले असल्याची भीती आहे.
नेपाळच्या काठमांडूसह कावरेपालनचौक, सिंधुपालनचौक, धाडिंग आणि सोलुखुंबू जिल्ह्यांमध्येही भूकंपाचे जोरदार धक्के जाणवले.चीनच्या प्रादेशिक आपत्ती निवारण मुख्यालयाने दिलेल्या माहितीनुसार, बीजिंग वेळेनुसार ९.०५ वाजता तिबेटमधील झिगाझेमधील (शिगास्ते) डिंगरी काउंटीला भूकंपाचे जोरदार हादरे बसले. हा भाग भारताच्या सीमेपासून जवळ आहे. भारताच्या काही भागांमध्येही भूकंपाचे सौम्य धक्के बसले. मात्र, कोणतीही जीवितहानी झाली नाही.
चीनचे अध्यक्ष क्षी जिनपिंग यांनी भूकंपग्रस्त भागामध्ये बचाव व मदत कार्य करण्यासाठी सर्व ते प्रयत्न करण्याचे आदेश दिले. जखमींवर उपचार करण्यास सर्वाधिक प्राधान्य दिले जावे, दुय्यम भूकंपाचे हादऱ्यांनी पुन्हा नुकसान टाळावे, भूकंपग्रस्त रहिवाशांचे योग्य पुनर्वसन करावे आणि नंतरचे काम प्रभावीपणे हाताळावे अशा सूचना त्यांनी दिल्या. त्यानुसार, भूकंपग्रस्तांसाठी कापडी तंबू, घडीची अंथरुणे, उंचावरील थंड जागेसाठी विशेष मदत सामग्री अशा २२ हजार आपत्ती निवारण वस्तू पाठवण्यात आल्या.
शिगास्ते हे तिबेटमधील सर्वात पवित्र क्षेत्रांपैकी एक मानले जाते. तिथे पंचेन लामाची पारंपरिक गादी आहे. तिबेटींचे सर्वोच्च आध्यात्मिक नेते दलाई लामा यांनी जीवितहानीबद्दल दु:ख व्यक्त केले. त्यांनी मृतांना श्रद्धांजली वाहिली आणि जखमींना लवकर बरे वाटावे अशी प्रार्थना केली.तिबेट ची ओळख ही जागतिक किर्तीचे बौद्ध धम्मगुरु दलाई लामा यांच्या नावाने ओळखली जाते.
भूकंपाचा केंद्रबिंदू : भूकंपाचा केंद्रबिंदू तिबेटच्या डिंगरी काउंटीच्या त्सोगो टाउनशिप येथे होता. या टाउनशिपच्या २० किलोमीटर त्रिज्येच्या क्षेत्रात २७ गावे असून त्यांची एकूण लोकसंख्या जवळपास ६,९०० इतकी आहे. त्सोगो टाउनशिप नेपाळच्या ईशान्येला खुंबू हिमालय पर्वतरांगेतील लोबुत्सेच्या ईशान्येला ९० किलोमीटर अंतरावर आहे. चायना अर्थक्वेक नेटवर्क सेंटरने दिलेल्या माहितीनुसार, भूकंपाचा केंद्रबिंदू जमिनीखाली १० किलोमीटर अंतरावर होता.
वृत्तसंस्थेच्या हवाले सूत्राकडून मिळालेल्या माहितीनुसार मदत कार्य वेगाने सुरू आहे. तिबेट आणि चीन यांच्यामधील प्रादेशिक वाद नेहमीच चर्चेला येतो. भूकंपाच्या निमित्ताने लोकांचे नागरी जीवन विस्कळीत झाले असून जागतिक वर्ल्ड बँकेकडून वित्तीय सहाय्य तातडीने मिळावे. अशी मागणी स्थानिक सरकारच्या प्रतिनिधी कडून निवेदनाद्वारे करण्यात आले आहे.